IDI növbədənkənar parlament seçkiləri ilə bağlı ikinci dövr üçün media hesabatı yaydı

08-02-2020 19:45
IDI növbədənkənar parlament seçkiləri ilə bağlı ikinci dövr üçün media hesabatı yaydı
Demokratik Təşəbbüslər İnstitutu (IDI) 9 fevral 2020-ci ildə keçiriləcək növbədənkənar parlament seçkiləri ilə bağlı ikinci dövr üçün nəticələr barədə hesabat yayıb.

Ümumilikdə 60 günlük dövr üçün nəzərdə tutulan monitorinqin ikinci mərhələsi seçkiqabağı təşviqat dönəminin başlanma tarixindən - 17 yanvar 2020-ci ilədən 6 fevral 2020-ci ilədək dövrü əhatə edir. 

Monitorinqə 3-ü televiziya olmaqla 9 media daxil edilib. Belə ki, dövlət yayımı (AZTV), ictimai yayım (İTV) və ən son lisenziya alıb, xəbərləmə üzərində ixtisaslaşdığı iddia edilən "Real TV”, habelə  rəsmi informasiya agentliyi "Azərtac” (www.azertag.az),  "Azərbaycan” qəzeti və "Report” İnformasiya Agentliyi, "Turan” İnformasiya Agentliyi, "Meydan TV” və müxalifətə yaxınlığı ilə seçilən "Azadlıq” qəzetinin internet resursu (www.azadliq.info) monitorinq edilib. 

Bu resurslarda seçki prosesi ilə əlaqələndirilə biləcək informasiyalar məqalələrin sayına görə qeydə alınıb və informasiyaların mahiyyətinə görə təsnifatlandırılıb. 

TV kanallarının praym-taym zamanı olan 19:00-23:00 yayım aralığı 4 saat monitorinqə salınıb. 

Monitorinq edilən 21 gün ərzində "prime-time” vaxt 3 TV üçün (21 gün x 3 tv  x 4 saat ) cəmi 252 saat müddəti əhatə edib. 252 saatlıq "prime-time” vaxtında seçki prosesi ilə əlaqəli olan xəbər, xəbər törəmə, debat, müzakirə, talk-şou, yekun analitik proqramlar qiymətləndirilib. 

Bu zaman seçkilərdə vətəndaşların səsverməsinə təsir göstərə biləcək informasiyalar, xəbərlər proqramları, xəbər-törəmə proqramları, tok-şoular, debatlar, müzakirə verilişləri, analitik proqramlar və xüsusi buraxılışlar əsas monitorinqin hədəfi olaraq seçilib və monitorinq edilib. 
 
Hesabatın tam mətnini aşağıdakı fayldan oxuya bilərsiniz: